Incendio no mobiliario dunha terraza dun local de hostalaría na rúa María Mariño, no Concello da Pobra do Caramiñal

Os bombeiros do parque comarcal provincial de Ribeira foron alertados ás 02:30 horas desta madrugada dun incendio na rúa María Mariño, no Concello da Pobra do Caramiñal.

O lume foi orixinado no mobiliario dunha terraza dun local de hostalaría do lugar. Na chegada dos bombeiros a situación estaba baixo control e os labores destes consistiron no arrefriamento dos restos.

Completaron o operativo a Garda Civil de Boiro e Protección Civil da Pobra do Caramiñal.